അപ്രത്യക്ഷമാകുന്ന കമന്റുകൾ

മലയാളം ബ്ലോഗേഴ്സ് ഗ്രൂപ്പിൽ അവസാനം നൽകിയ കമന്റുകൾ അവസാനം നൽകിയ ഈ രണ്ട് കമന്റുകൾ  അപ്രത്യക്ഷമായതിനെ തുടർന്ന് സംവാദം ഇവിടെ തുടരുന്നു.

ചർച്ച ഈ പോസ്റ്റിലാണ് നടന്നിരുന്നത് : http://www.facebook.com/groups/malayalamblogers/permalink/599497383394096/

· 

Viddi Man ഇരിപ്പിടം ടീമിലെ ബ്ലോഗർമാർ അനോണിയായിരുന്ന് വിമർശിക്കുന്നതിലെയും അതിലെ അപകടത്തെയുമാണ് അത് സംബന്ധിച്ച ചർച്ചകളിൽ ആരംഭം മുതൽ ചൂണ്ടി കാണിച്ചിട്ടുള്ളത്.

"ഇരിപ്പിടം ചിലരെയെങ്കിലും അസ്വസ്ഥരാക്കുന്നു എന്ന് വിഡ്ഢി മാന്റെ മാരത്തോണ്‍ കമന്റുകളിൽ നിന്നും മനസ്സിലാക്കുന്നു.

ഇരിപ്പിടം അദ്ദേഹത്തെ വല്ലാതെ വിഷമിപ്പിക്കുന്നുണ്ട് എന്നത് വളരെ ദിവസങ്ങളായി ഇതിന്റെ പിറകെയുള്ള അദ്ദേഹത്തിന്റെ ശ്രമത്തിൽ നിന്നും വ്യക്തമാണ് .

ചിലരെയെങ്കിലും അസ്വസ്ഥരാക്കാനാണ് കുറെ പേരുടെ കഠിനാദ്വാനം ഉപകരിക്കുന്നതെങ്കിൽ പിന്നെ എന്തിനു അത് തുടരണം

ആയതിനാൽ ഇരിപ്പിടം ടീം ഇത് പരിഗണിച്ചു ഇരിപ്പിത്തിന്റെ തുടർ പോസ്റ്റുകൾ നിർത്തി വെക്കുന്നതിനെ പറ്റി ഒരു ആലോചന ഇരിപ്പിടത്തിൽ ഉടനെ നടക്കും

എല്ലാ "നല്ല വാക്കുകൾക്കും ഇരിപ്പിടത്തിനു നല്കിയ ഈ പ്രോത്സാഹനത്തിനും" നന്ദി മനോജ്‌. .,

താങ്കളുടെ മാത്രം സംതൃപ്തിക്കായി ഇരിപ്പിടത്തിൽ ഒരു ചർച്ചക്ക് സമയം തരൂ."

എന്ന് മറുപടി പറഞ്ഞ അക്ബർ ഭായ്ക്ക് ഒമ്പതു മിനിറ്റിനു ശേഷം മനംമാറ്റം ഉണ്ടായത് എന്തുകൊണ്ടാണെന്ന് മനസ്സിലായില്ല.

പരിപ്പിന്റെ വെള്ളം തിളപ്പിക്കാം എന്നു പറഞ്ഞ് കൊതിപ്പിച്ച ശേഷം അത് മറിച്ചു കളയുന്നത് ശരിയോ ?

25 minutes ago · Like

· 

Viddi Man വിഡ്ഢിമാൻ ഇരിപ്പിടത്തിലെ ഒരു അംഗം ആണ് എന്ന് വെക്കുക. ചാലിയാർ ബ്ലോഗിലെ ഒരു പോസ്റ്റിൽ പോയി താങ്കള് ഒരു നല്ല കമന്റ് (എഴുത്തിലെ മികവുകൾ മാത്രം കമന്റായി) ഇട്ടു എന്നും വെക്കുക. വെച്ചല്ലോ. ഇനി ആണ് പോയിന്റു.

ഇരിപ്പിടത്തിൽ പ്രസ്തുത പോസ്റ്റ്‌ പരാമർശിക്കുന്നു. അപ്പോൾ അവിടെ കമന്റിട്ട താങ്കളുടെ മുമ്പിൽ ആ പോസ്റ്റിലെ പോരായ്മകൾ കൂടി മറ്റൊരു ഇരിപ്പിടം അംഗം അല്ലെങ്കിൽ കൂടുതൽ അംഗങ്ങൾ പറയുന്നു. അത് താങ്കളെ ബോധ്യപെടുത്തുന്നു. എന്നിട്ട് അതിലെ മികവും പോരായ്മയും, ഇരിപ്പിടത്തിന്റെ വീക്ഷണമായി ഇരിപ്പിടത്തിൽ നല്കുന്നു. ഇതാണ് രീതി.

ഇതിൽ എവിടെയാണ് അപാകത എന്ന് വിഡ്ഢി മാൻ ഞങ്ങളെ ബോധ്യപ്പെടുത്തിയാൽ തിരുത്താൻ തയാർ. >>

വിഡ്ഡിമാൻ നല്ല കമന്റ് നൽകിയത് ബുദ്ധിമാൻ എന്നയാൾക്കാണെന്ന് കരുതുക. ഇനി ഇരിപ്പിടം ബുദ്ധിമാന്റെ അതേ പോസ്റ്റിലെ പോരായ്മകൾ ചൂണ്ടി കാട്ടി എന്നും കരുതുക. ഇരിപ്പിടത്തിൽ ആരൊക്കെയാണ്, അതിലാരാണ് കമന്റിയത് എന്നൊന്നും ബുദ്ധിമാനറിയില്ല എന്ന് വ്യക്തമാണല്ലൊ.

അതുകൊണ്ട് ബുദ്ധിമാനുണ്ടായേക്കാവുന്ന സംശയങ്ങൾ ഇതൊക്കെയാണ്. : 1. തന്നെ വിമർശിച്ചയാൾ , സ്വന്തം പോസ്റ്റുകളിൽ ഇതേ പോരായ്മകളൊ മറ്റു പോരായ്മകളോ വരുത്തുന്നയാളാണോ ? അതാരും തിരിച്ചറിയാതിരിക്കാനാണോ അയാൾ മറഞ്ഞിരുന്നെഴുതുന്നത് ? മന്തുള്ള രണ്ടു കാലും മണ്ണിൽ പൂഴ്ത്തി ഒരു കാലിൽ മന്തുള്ളവനെ മന്താ എന്നു വിമർശിക്കുന്നവനാണോ അയാൾ ? എങ്കിൽ അയാൾക്ക് മന്താ എന്നു കളിയാക്കാൻ എന്തവകാശം ?

2. വിഡ്ഡിമാനു തിരിച്ചും നല്ല കമന്റ് കിട്ടാൻ വേണ്ടി സ്വന്തം പേരിൽ വന്ന് നല്ല കമന്റും ( ബ്ലോഗെഴുത്തുകാർക്കിടയിലെ പുറം ചൊറിച്ചിൽ കുപ്രസിദ്ധമാണല്ലൊ ). ഇരിപ്പിടത്തിൽ മറഞ്ഞിരുന്ന് യഥാർത്ഥ അഭിപ്രായവും പറഞ്ഞതാണോ ?

3. ഇരിപ്പിടത്തിൽ മറഞ്ഞിരുന്ന് എഴുതുന്നയാൾ തന്നോടെന്തെങ്കിലും വ്യക്തിവിരോധം ഉള്ളയാളാണോ ? വിഡ്ഡിമാനെ പോലെ ചിലർ നല്ല അഭിപ്രായം പറഞ്ഞപ്പോളും ഈ അജ്ഞാതനെന്തിനാ മോശം അഭിപ്രായം പറഞ്ഞത് ?

ബുദ്ധിമാന്റെ ഈ ന്യായമായ സംശയങ്ങൾക്കൊന്നും ഇരിപ്പിടത്തിലുള്ളവർ മറഞ്ഞിരുന്നെഴുതുന്നിടത്തോളം കാലം ഉത്തരം കിട്ടില്ല.

Unable to post comment. · Edited · Like

'എന്റെ മലയാളമേ' നെഞ്ചത്തടികൾ

സംസാരിക്കപ്പെടുന്നതുകൊണ്ടു മാത്രം ഒരു ഭാഷ നിലനിൽക്കും എന്ന് തോന്നുന്നില്ല. ആ ഭാഷ സംസാരിക്കുന്നവർക്ക് അതിനോടുള്ള ബഹുമാനവും സ്നേഹവും അത് നിലനിർത്താനുള്ള ബോധപൂർവ്വമുള്ള ശ്രമവും ഇല്ലെങ്കിൽ ക്രമേണ അതില്ലാതാവും. ഇതൊന്നുമില്ലാത്തതുകൊണ്ടാണ് ലോകത്ത് പലഭാഷകളും മരിച്ചു മണ്ണടിഞ്ഞത്. അദ്ധ്യയന മാദ്ധ്യമം മാതൃഭാഷയാക്കുന്നത് ഇത്തരമൊരു നിലനില്പിനും അത് അടുത്ത തലമുറയിലേക്കെത്തിക്കുന്നതിനും സഹായകരമാണ്. മാത്രമല്ല, അതാണ് സ്വാഭാവികവും. മാതൃഭാഷയിൽ അദ്ധ്യയനം നടത്തുന്നതാണ് കുട്ടികൾക്ക് അനുയോജ്യമെന്ന് ലോകത്തിലെ മിക്കവാറും എല്ലാ പരിഷ്കൃത സമൂഹങ്ങളും സ്വീകരിച്ചു വരുന്ന നിലപാടാണ്. അതിന് അതിന്റേതായ യുക്തിയും ശാസ്ത്രീയ പിന്തുണയുമുണ്ട്.

ഇംഗ്ലീഷിന്റെ പ്രാധാന്യം മനസ്സിലാക്കിയതു കൊണ്ട് തന്നെയാണ് ഇംഗ്ലീഷ് കേരള സിലബസ്സിൽ രണ്ടാം ഭാഷയായി സ്വീകരിച്ചിട്ടുള്ളതും ഒന്നാം തരം മുതൽ പഠിപ്പിച്ചു തുടങ്ങുന്നതും. പാഠപുസ്തകങ്ങളിലെ ഇംഗ്ലീഷ് കൃത്യമായി പഠിപ്പിക്കുന്ന അദ്ധ്യാപകരുണ്ടെങ്കിൽ, പത്താം തരം കഴിയുമ്പോഴേക്കും കുട്ടികൾക്ക് സുന്ദരമായി ഇംഗ്ലീഷ് സംസാരിക്കാനാവുന്ന വിധത്തിലാണ് ഇന്നത്തെ സിലബസ്സ് എന്നുള്ളത് ആ പാഠപുസ്തകങ്ങളും അദ്ധ്യയനരീതിയും കണ്ട് മനസ്സിലാക്കിയിട്ടുള്ള ഒരാളെന്ന നിലയിൽ എനിക്ക് ഉറപ്പിച്ച് പറയാൻ കഴിയും. ( കൃത്യമായി പഠിപ്പിക്കുന്ന അദ്ധ്യാപകർ എന്നതിന് അടിവരയിടുന്നു ).

ഭാഷയാകട്ടെ, ശാസ്ത്രശാഖകളാകട്ടെ, ഗണിതമാകട്ടെ, വിഷയങ്ങളോടുള്ള താത്പര്യം ജനിപ്പിക്കുന്നതിൽ അത് പഠിപ്പിക്കുന്ന അദ്ധ്യാപകനുള്ള പങ്ക് നിർണ്ണായകമാണ്. അദ്ധ്യാപകരോടുള്ള ഇഷ്ടവും അവർ വിഷയം കൈകാര്യം ചെയ്യുന്ന രീതിയുമാണ് കുട്ടികളെ വിഷയങ്ങളിലേക്ക് അടുപ്പിക്കുന്നത്; അല്ലാതെ അതിന്റെ പ്രയോജനക്ഷമതയും സങ്കീർണ്ണതകളുമൊന്നുമല്ല. അതുകൊണ്ടു തന്നെയാണ് പത്താം ക്ലാസ്സ് വരെ ഹിന്ദി പഠിച്ചിട്ടും ഒരു ശരാശരി മലയാളിയ്ക്ക് ഹിന്ദി പറയാനാവാത്തതും മലയാളം മൂന്നാം ഭാഷയായി പഠിക്കുന്ന കർണ്ണാൽ നവോദയ സ്കൂളിലെ കുട്ടികൾക്ക് അത് ജിലേബിയായി തോന്നുന്നതും. അവിടെ പ്രശ്നം വിഷയത്തിന്റേതല്ല, കൈകാര്യം ചെയ്യുന്ന അദ്ധ്യാപകന്റേതാണ് എന്നു ചുരുക്കം.

ഇംഗ്ലീഷ് മാദ്ധ്യമത്തിൽ പഠിച്ച കുട്ടികൾക്ക് മലയാളികൾക്ക് സുപരിചിതമായ പല വാക്കുകളും അറിയില്ല എന്ന് പൊതുവെ എല്ലാവരും അംഗീകരിക്കുന്ന കാര്യമാണ്. ( അല്ലെങ്കിൽ രക്ഷാകർത്താക്കളിൽ നിന്ന് അതിനെതിരെയുള്ള ബോധപൂർവ്വമായ ശ്രമം വേണം. ആയിരത്തിലൊന്നു പേരെങ്കിലും അങ്ങനെ ശ്രമിക്കുന്നുണ്ടാവുമെന്ന് തോന്നുന്നില്ല ). സ്വാഭാവികമായും ഒരു തലമുറ കഴിയുമ്പോൾ മലയാളത്തിന്റെ തനതായ പല വാക്കുകളും ഇല്ലാതാവുകയും അവിടെ ഇംഗ്ലീഷ് വാക്കുകൾ കടന്നു വരികയും ചെയ്യും. അങ്ങനെയങ്ങനെ ശോഷിച്ച് ശോഷിച്ച് അഞ്ചോ പത്തോ തലമുറകൾ കഴിയുമ്പോൾ ഭാഷ ഇല്ലാതാവുകയും ചെയ്യും.

മലയാളത്തിൽ പഠിച്ചതുകൊണ്ട് പ്രത്യേകിച്ച് ഗുണമൊന്നുമില്ല, അതിനേക്കാൾ അവരുടെ ഭാവിക്ക് നല്ലത് ഇംഗ്ലീഷിൽ പഠിപ്പിക്കുകയും സംസാരിക്കുകയും ചെയ്യുന്ന സ്കൂളുകളാണ് എന്ന് കരുതുന്നവർക്ക് അത്തരം സ്കൂളുകളിൽ കുട്ടികളെ പഠിപ്പിക്കാം. പക്ഷെ ഒപ്പം തന്നെ 'എന്റെ മലയാളമേ' എന്ന് നെഞ്ചത്തടിച്ച് നിലവിളിക്കരുത്. അത് കാപട്യമാണ്. ദൂരെയുള്ള ശത്രുവിനെ ചൂണ്ടിക്കാട്ടി കൂട്ടായ്മയുടെ മുദ്രാവാക്യം വിളിക്കുകയും ശത്രു അടുത്തെത്തിയാൽ'സ്വന്തം കാര്യം സിന്ദാബാദ്' വിളിച്ച് അവന്റെ കാൽക്കൽ വീഴുകയും ചെയ്യുന്ന മലയാളികളുടെ സ്ഥിരം കാപട്യങ്ങളിലൊന്ന്.